drogak larrugorrian

Lehenik eta behin, erakunde mailan Nafarroan Madrileko Drogen Plan Nazionala izenekoak jarritako ereduari jarraitzen dio. Aldi berean, Euskal Autonomia Erkidegoan, DAK eredua baino haratago doaz, Euskadiko Droga-mendekotasunen Liburu Zuria argitaratuz (1987), Donostian II. Euskal Mundu Kongresua eginez eta azaroaren 11n Droga-mendekotasun gaietan Prebentzio, Laguntza eta Gizarteratzeari buruzko Legea onartuz Gasteizko legebiltzarrak.

Apurka-apurka alarma sozialeko egoera zalantzan jartzen da, droga-mendekotasunaren fenomenoa balore kontserbatzaileak eta kontrol sozialeko dinamikak sustatzeko erabiltzen baita. Prozesu honetan, narkotrafikoaren sareak eta dirua zuritzeko sareak “profesionalizatu” egiten dira, eta begi-bistan dago bertan egitura judizialak, polizialak, ekonomikoak, politikoak ... ustelduta daudela.

• 1988ko maiatzaren 7an, Etxarri-Aranatzen, Askagintzaren Euskal Herriko Igo Batzarra egin zen.

• ASKAGINTZA eratzea, euskal herri erakunde gisa, bertan Oinarrizko Dokumentua onartuz; horrekin lan egin dugu 1997 urtera arte.

• UDABERRI 88 "Droga trafikoaren aurka" leloarekin. Manifestazioak 1988/05/21ean (Iruñea -Gasteiz-Donostia-Bilbo).

• Auzoetan eta herrietan sentsibilizazio eta mobilizazio programa, "Droga-mendekotasunik gabeko bizitza aske baten alde: drogak sustatzearen eta droga trafikoaren aurka" manifestu bat argitaratuz eta lau hiriburuetan kale agerraldiak eginez.

"Bizirik bizi menpekotasunik gabe" ARGIA astekaria 1988/V/22

• Euskal Autonomia Erkidegoko Droga-mendekotasunei buruzko Legea.

• Lege egitasmoa aztertu eta hari egindako aportazioak, Eusko Jaurlaritzarekin kritiko agertuz. Garai hartako droga -mendekotasunen gaietako idazkaria Jesus Laguardia zen.

• Askagintzaren I. Topaketak Lezon. (1988ko abendua).

• "Droga-mendekotasunen Prebentzio Komunitarioa" gaiari buruzko eztabaida. Prebentzioari buruzko I. Koadernoan zenbait ondorio argitaratu ziren.

• Askagintzaren II. Topaketak Santurtzin (1989ko martxoa).

• "Euskal Herrian Droga Trafikoa”ri buruzko eztabaida. Prebentzioari buruzko I. koadernoan zenbait ondorio argitaratu ziren.

• UDABERRI 89 "Bizirik Bizi, Askatasunean"/ "Vive vivo, sin drogodependencias" leloarekin.

• Euskal Herriko herrietan eta auzoetan garatu den sentsibilizazio eta mobilizazio programa. Prebentzio Komunitarioaren aportazioak, parte hartzea eta herritarren inplikazioa sortuz.

• Gernikan Prebentzioari buruzko Prestakuntza Topaketak IGIA erakundearekin (1989ko uztaila).

• Askagintzaren xedea beti izan da Droga-mendekotasunen Prebentzioan prestatzeko aukera izatea eta hartarako, Kataluniako IGIA kolektiboak ekarri zigun esperientzia erabili genuen.

• Durangon Askagintzaren III. Topaketak (1989ko urria).

• "Droga-mendekotasunen Prebentzio programak eta esperientziak" gaiari buruzko eztabaida. Programa horiek aztertu izan ziren eta familia, eskola eta komunitate eremuan dauden esperientzia ezberdinak elkarrekin konparatu ziren. Bertan landutakoa Prebentzioari buruzko II. Koadernoan argitaratu genuen.

• "IZADIA" Gizarte lanak ikertzeko kabinetea abian jartzeko egitasmoa Askagintzan aurkezten da (1989ko urtarrila).

• 1990 urteko ekainean Askagintzak ikerlanak, azterlanak eta prebentzioa sustatzeko egitura autonomoa izan behar ote zuen aztertu, eztabaidatu eta erabaki zuen. Prestakuntza programak familia, eskola, komunitate eta elkarte eremuetan aurrera eramatea aukeratu zelarik.

• Hernanin Askagintzaren IV. Topaketak (1990eko otsaila).

• " Zer egin dezakete Udalek Droga Trafikoaren aurka?" gaiari buruzko eztabaida aurrera eraman zen, haren ondorioak Prebentzioari buruzko III. Koadernoan datozelarik.

• Euskal Herriko Askagintzaren II. Batzarra Donostian (1990eko maiatza).

• Euskal Herrian Droga-mendekotasunen Fenomenoari buruz hausnarketa sakona burutu zen. “Droga-mendekotasunik gabeko bizitza aske baten alde” izenburuko manifestua egin zen.

• UDABERRI 90 "Herria Bizirik" leloarekin eta lehenengo "Bizirik Eguna" Lekeition.

• Auzoetan eta herrietan sentsibilizazio programa, udal hauteskundeak izan ostean eratu berri ziren udalbatzei proposamen konkretu batzuk zituen manifestu bat eman zitzaien. Manifestu honen bidez egiten zen proposamena ondokoa zen: tokian tokiko Prebentzio Komunitariorako Planak diseinatzeko, garatzeko eta ebaluatzeko orduan jende guztiaren partaidetza kontutan hartzea.

• Donostian Iñaki Aldabalderi egindako omenaldia (1990eko maiatza).

• Askagintzaren sortzailea eta hil arte Gizakia Helburuko zuzendaria izandako Iñakiren omenez Principal Antzokian ekitaldia burutu zen. Haren idatziekin eta haren bizitzaren zertzeladekin Prebentzioari buruzko IV. Koadernoa argitaratu genuen.

• Altzako Hezkuntza Tailerra (1990eko iraila).

• Altzan prebentzio programa moduan Hezkuntza Tailerra abian jartzen da, bertan urte guzti horietan gazte asko ikasten ari delarik.

• Euskal Herrian Droga-mendekotasunei buruzko Herri Plataforma (1990eko urria).

• Askagintzak Plataforma ireki bat abian jartzea sustatu du. Plataforma hori droga-mendekotasunei buruzko prebentzioa, tratamendua eta legediaren arloan aditu diren 21 pertsonak osatzen dute. Xede plataforma horrek Euskal Herrirako Esku-hartze Plan bat proposatzen du.

• Askagintzaren V. Topaketak Etxarri-Aranatzen (1990eko azaroa).

• "Herritarren partehartzea eta droga-mendekotasunak" gaiari buruzko eztabaida. Bertan ateratako ondorioak Prebentzioari buruzko V. Koadernoan argitaratu ziren.

• Herriaren izenean Salhaketa eta Askagintza Donostiako Epaitegian agertzea (1990eko azaroa).

• Askagintzak Droga Trafikoaren aurka hartu duen salaketa bidea zehaztea. Borroka honetan, herri salaketaren bidea erabiliko dugu eta bide hori aurrera eramaten hasi zen Irunen 1998ko maiatzean poliziaren babespenarekin mila kilo kokaina konfiskatu eta gero, 300 kilo inguru desagertu zireneko kasuarekin, gai hau epaitegietara eramanez. Honekin, Navajas txostena izenekoa hasiko da, geroago, gaia hau Baltasar Garzón epaileak Madrilera eramango du eta "Nécora" izeneko makro-prozesuan galduko da.

• Herritarren Segurtasun Legea eztabaidatu eta onartu zuten. Lege honek zenbait droga, administrazioaren isunez, kontsumitzeko debekua jasotzen du (1991ko otsaila).

• Lege horren edukiak eta esanak salatzeko kanpaina burutzen dugu. Kanpaina honekin debekuaren edukia zalantzan jartzen da eta prebentzio lana egiteko ondorio negatiboak dituela azpimarratuko da. Askagintzak kartelak Bizirik bat, itsaskinak... argitaratuko du eta DEE, Gizakia Helburu eta Agipad kolektiboekin batera Plataforma batetan parte hartzen du. Auzoetan eta herrietan hitzaldiak, eztabaidak... antolatuko dira.

• Askagintzaren VI. Topaketak Hernanin (1991ko martxoa).

• "Komunikabideak eta Drogamenkotasunak" gaiari buruzko eztabaida. Komunikabideek duten egitekoari buruzko ondorio garrantzitsuak atera ziren eta horietan modu positiboan eragin beharra zegoela baieztatu zen.

• UDABERRI 91 "Euskal Herria Bizirik" leloarekin, eta bigarren "Bizirik Eguna" Hernanin (1991ko apirila).

• Auzoetan eta herrietan sentsibilizazio programa, Askagintzak bertan Droga-mendekotasunen Fenomenoaren inguruan proposatzen duena eta kritikatzen duena aurkeztuz eta horretarako Droga-mendekotasunei eta Prebentzio Komunitarioari buruzko manifestua egin zen.

• Askagintzaren VII. Topaketak Gasteizen (1991ko urria).

• "Alkoholismoa euskal gizartean" gaiari buruzko eztabaida. Bertan gizartean zabaltzeko ondorio eta proposamen batzuk aterako dira

• Droga-mendekotasunen Euskal Aholku Kontseilua (1991ko urria).

• Herriko elkarte eta kolektiboen ordezkari moduan Droga-mendekotasunei buruzko Euskal Aholku Kontseiluan parte hartzea. Bertan onartzen diren proposamenak ondoren praktikan jartzen ez direnaren ziurtasun guztia dugu.

• UDABERRI 92 "Gu, zuek erabaki"/"Que no decidan por ti, ni las drogas, ni las leyes" leloarekin eta hirugarren "Bizirik Eguna" Uharte-Iruñean (1992ko apirila).

• Auzoetan eta herrietan sentsibilizazio programa. Askagintzak Droga-mendekotasunen Fenomenoari buruz dituen proposamenak eta aportazioak aurkeztea, batez ere, erakundeetan eta gizartearen zenbait sektoretan drogei buruz nagusi den debeku bidea salatuz eta Fenomenoari buruz normalizazio kodean beste bide batzuk eskainiz.

• Euskal Herriko Askagintzaren III. Batzarra Zarautzen (1992ko azaroa).

• Zabal eztabaidatu ostean, Askagintzak Euskal Herrirako Droga-mendekotasunei buruzko Esku-hartze Planari buruz erabakiak hartzen ditu.

• Askagintzaren VIII. Topaketak Hernanin (1992ko abendua).

• ”Droga-mendekotasunen Prebentzioa familian” gaiari buruzko eztabaida. Aurrera eramaten ari diren esperientziak aztertu eta gaiari buruz aportazio interesgarrietara iristen gara eta horiek IZADIAk Ama eta Aiten artean egiten dituen Topaketetara eramatera interesgarriak iruditzen zaizkigularik.

• Askagintzaren IX.Topaketak Hernanin (1993ko martxoa).

• "Droga Trafikoa Euskal Herrian" gaiari buruzko eztabaida. Beste kolektibo sozial batzuetako ordezkariek (33 kolektiboetako 77 pertsona) parte hartzen duten topaketa batean, gaiari buruzko txosten bat aurkezten da eta Droga Trafikoaren aurka egiteko Herri Plataforma bat abian jartzeko erabakia hartzen da eta Donostiako Epaitegiaren aurrean hura salatzeko kontzentrazio batera joateko deialdia eginen da.

• UDABERRI 93 "¿Qué hay detrás del Tráfico de Drogas?" leloarekin eta laugarren "Bizirik Eguna" Gasteizen (1993ko maiatza).

• Auzoetan eta herrietan sentsibilizazio programa, Droga Trafikoaren aurka eta poliziaren inplikazioa salatuz. Bide honi ekiteko Navajas Txostena, Andreu epailearen dilijentziak, poliziaren ustelkeria... moduko gaien inguruan informazioa emango da.

• "Drogaren aurkako herri lasterketa" izenekoari kritika egiten zaio (1993ko ekaina), drogaren aurka pil-pilean dagoen diskurtsoa zalantzan jarriz.

• Drogaren aurkako Kirolarien Elkarteak, Gasteiz eta Iruñeko gobernuekin batera eta berrogei baino udal gehiagok egin nahi dutena Askagintzak gaitzetsi egiten du. Salatu ostean, sei udaletan baino ez da hori egingo, eta egiten diren lasterketetan tentsio maila handia izango da.

• Donostiako Entzutegian, narkotrafikoaren sareen aurkako kereila auzitara eramaten da (1993ko uztaila).

• ADORE osatzen dugun kolektiboak Herri Salaketa moduan Donostiako Entzutegian agertzen gara eta narkotrafikoarekin zerikusia duten Rodriguez Galindo koronelaren eta berrogei guardia zibiletik gorakoen, proxeneten,.. aurka herri kereila bat aurkezten dugu.

• Askagintzaren X. Topaketak Iruñean (1993ko azaroa).

• "Droga-mendekotasunen Fenomenoaren normalizazioruntz" gaia eztabaidatzen dugu. Askagintzak gai honen inguruan duen jarrera zehaztu eta finkatzen da: legalizazioa, erregularizazioa... eta normalizazio prozesua osotasunean kontuan hartuz. Prebentzioari buruzko VI. Koadernoa argitaratzen da.

• "ADORE Herri Ekimena" sortzeko Batzarra Donostian (1994ko urtarrila).

• Eztabaidatu ostean eta elkarteek, abokatuek, kazetariek, osasuneko eta hezkuntzako profesionalek... laguntzarekin eginiko Manifestuaz baliatuz, Donostiako Psikologia Fakultatean Batzarra egin ondoren, bertan ateratako ondorioak komunikabideen bidez gizarteratuko dira.

• Nazioarteko Lan Topaketak Donostian (1994ko apirila).

• "Drogen Fenomenoaren Normalizazioaruntz" gaia landu zen. Bertan Mexiko, Kolombia, Ekuador, Katalunia eta Euskal Herriko ponenteak parte hartuko dute, topaketak Psikologia eta Hezkuntzaren Zientzien Fakultatean burutuko direlarik.

• ADORE Herri Ekimenaren salaketa programa (1994ko apirila).

• Sentsibilizazio eta salaketa programa, hori aurrera eramateko Oiartzunen jaialdi bat, herri-kontzentrazio bat Epaitegiaren aurrean eta Donostian (apirilaren 30) kale agerraldia antolatu zirelarik.

• UDABERRI 94 "Droga-mendekotasunen Fenomenoaren normalizazioruntz" leloarekin eta bosgarren "Bizirik Eguna" Bilbon (1994ko maiatza).

• Auzoetan eta herrietan sentsibilizazio programa Droga-mendekotasunen Fenomenoaren normalizazioari buruzko mezua zabaltzen da eta gaiari buruzko orribiko espezifikoak argitaratzen dira. Prebentzio eta salaketa arloan normalizazio kodea erabiliaz, ezerezera eramaten ez gaituzten edota satanizatu egiten dituzten dinamikak gainditzeko asmoarekin proposamenak aurkezten dira.

• Estatuko Elkarteen arteko Tokapekak Donostian-Ulian (1994ko maiatza).

• Askagintzak Andaluzian, Katalunian, Madrilen eta Galizian droga-mendekotasunen eremuan lanean diharduten kolektibo eta federazioetako ordezkariekin Topaketak antolatzen ditu. Hartarako, lan eta eztabaida jardunaldiak antolatuko dira.

• IZADIA Gizarte gaiak ikertzeko kabinetearen topaketak (1994ko ekaina).

• Fase berria bat hasten du ”IZADIA” Gizarte gaiak ikertzeko kabinetak. Gizarte zientzietan aditu diren pertsonak eta familia, eskola, gizartea eta komunitate eremuetan prestakuntza programak eskaintzen ditu eta gainera, gizarte gaiei buruzko azterlanak eta ikerlanak egiten ditu.

• Askagintzaren XI.Topaketak Ilundainen-Nafarroa (1994ko urria).

• "Partehartze soziala eta droga-mendekotasunen prebentzioa" gaiari buruzko eztabaida. Prebentzioa egiteko udal taldeek bere eguneroko lanean partehartzea lantzen duten ala ez aztertzen da. Bertan argi agertzen da prebentzio maila horrek behera egin duela, oro har, parte hartzeko biderik eta prozesurik ez baita egin, ezta bultzatu ere.

• Estatuko Elkarteen arteko topaketak Cordoban (1995eko otsaila).

• "Enlace" Droga-mendekotasunen aurkako Andaluziako Elkarteen Federazioak Normalizazioaren gaia lantzeko topaketa bat antolatzen du Cordoban.

• Euskal Herriko Askagintzaren IV. Batzarra Gasteizen (1995eko apirila).

• Eztabaidatu ostean, Askagintza kolektibo gisara eta parte hartzen ari garen plataformetan eskaini behar ditugun esku-hartze ezberdinak eta lan ildoen oinarriak finkatzen dira, hori guztia Normalizazio kode erabiliaz.

• UDABERRI 95 "Bizi hadi iraun barik!"/ "Contra las drogodependencias participación popular" leloarekin eta seigarren "Bizirik Eguna" Oiartzunen.

• Auzoetan eta herrietan sentsibilizazio programa Droga-mendekotasunen fenomenoaren normalizazioan prebentzioa egiteko partizipazioa eta inplikazioa guztiz beharrezkoak direla azpimarratuaz.

• Bizkaiko zenbait herrietako Askagintzako pertsonekin izandako liskarra (1995eko ekaina), ondorio oso negatiboak sortuz eta konkretuki Bizkaian sortu zuen ilusio eza.

• Bizkaiko erakundean dauden liskar historikoen aurrean eta gure erakundean inoiz ere gertatu ez diren egoeren aurrean, adibidez pertsonak kanporatu, diziplina neurriak hartzeko proposamenak egingo dira. Honen ondorioz, Euskal Herriko Batzordeak liskarrean esku-hartzea erabakiko du, bitartekari lana eginez, baina liskarrean dagoen alde batek hori onartzen ez duenez, alde egiten du kolektibotik. Geroago, iruzur ekonomiko handia aurkituko dugu eta jendearen aurrean salatu egingo dugu.

• Askagintzaren XII. Topaketak Etxarri-Aranatzen (1995eko ekaina).

• "Droga-mendekotasunen Prebentzioa: zehaztearen eta finkatzearen beharra" gaiari buruzko eztabaida bat egitera eramaten gaitu eta hortik gaiari buruzko ondorioak aterako dira.

• Askagintzaren XIII. Topaketak Gernikan (1995eko urria).

• "Ijitoen Komunitatea eta Droga-mendekotasunen Fenomenoa" gaiari buruzko eztabaida. Gaiak pertsona multzo horretan nola eragiten duen aztertzen dugu eta sektore horrekin elkarlana egiteko lan- proposamenak zehazten ditugu.

• Euskal Herrirako Droga-mendekotasunei buruzko Eskuhartze Plana aurkezteko jardunaldiak, Donostian, Baionan, Bilbon eta Iruñean (1996ko urtarrila).

• Esku-hartze Plana aurkezteko Jardunaldiak antolatzen dira (aldizkari batetan argitaratua) eta bertan aportazioak jasotzen dira. Hiriburuetan hasten da, baina auzoetan, herrietan, fakultateetan, gaztetxeetan... jarraitzeko asmoarekin. Aldi berean, Euskal Herriko herri ezberdinetan, Droga-mendekotasunen Prebentzio Komunitariorako tokian tokiko Planak diseinatzeko baliagarria dela uste dugu.

• Askagintzaren XIV. Topaketak Arrasaten (1996ko urtarrila).

• "Droga-mendekotasunak eta udalak" gaiari buruzko eztabaida. Bertan gogora ekartzen da azken udal hauteskundeetan egindako proposamena. Azken urteotan udalek izan duten funtzionamendua aztertuko da. Udaletan, mozio moduan kritikak egin eta proposamenak aurkezten dira.

• UDABERRI 96 "Un pueblo libre, unas personas libres, participan en la prevención de las drogodependencias" leloarekin eta zazpigarren "Bizirik Eguna" Barañainen (1996ko maiatza).

• Auzoetan eta herrietan sentsibilizazio programa. Esku-hartze Plana aurkezten dugu eta familia, eskola, gizarte eta komunitate eremuetan Droga-mendekotasunen Prebentziorako partehartze soziala beharrezkoa dela adierazten dugu. Prebentzioaren gaiaren inguruan dagoen kontsentsu faltsua gainditzeko, eztabaida soziala bultzatu nahi dugu.

• Askagintzaren XV. Topaketak Ilundainen (1996ko iraila).

• Askagintzari buruz hiru egunetan zehar eztabaida sakona burutzen da. Askagintzaren prozesua, egoera eta etorkizunari begira dauden perspektibak. Ondorengo ondorioetara iritsi ginen: mezua arinagoa, zuzenagoa eta ausartagoa egiteko beharra eta nahia, manipulazioen eta “drogen aurkako” iritzi nagusiaren aurka salaketa kementsuagoaren beharra eta Askagintza gisa antolaketa modu berri bat eratzeko beharra, batetik horizontalitatean (herria, eskualdea eta herrialdea/nazioa) eta bestetik erantzukizunak guztion artean banatzean oinarrituta dagoena.

• Euskal presoei elkartasuna adierazteko, Artzai Onaren katedralean eginiko gose greba (1997ko azaroaren 30etik abenduaren 7 arte).

• "Denak berdinak, denok ezberdinak" leloarekin, euskal presoekin elkartasuna adierazteko asmoz txanda baten parte hartu genuen, presoen eskubideen alde eta hauek Euskal Herrira hurbil ditzaten aldarrikatuz.

• Euskal Herriko "Prebentziokintzaren karakterizazioa"ri buruzko eztabaida Jardunaldiak (1997ko urtarrila).

• Prebentzio-ekintzaren karakterizazioari buruzko proposamena aurkezteko mahainguruak antolatzea. BIZIRIK aldizkarian jaso genuen, gai dossier moduan, eta horri buruzko aportazioak egin ditugu, Donostian, Gasteizen, Iruñean, Baionan eta Bilbon hasi ginelarik.

• "Prebentzioaren alde, Bizikide izan" plataforma aurkezten da Hernanin (1997ko urtarrila).

• Plataforma bat antolatzen da. Hasiera batetan droga-mendekotasunen fenomenoan lan egiteko prebentzioa aukeratzen duten eta zenbait arlo sozialetan ezagunak diren ehun pertsonatik gora elkartu ziren.

• Kannabisaren normalizaziorako "Kalamudia" plataforma sortzen da (1997ko martxoa).

• Askagintzak, Kalamudia sortzeko prozesuan parte hartzen du, Bizitzeko moduko beste kolektibo batzuekin batera indarrak batuz, kannabisa kontsumitzen dutenen eskubideen alden egiteko. Bizkaian landaketa lanetan parte hartu genuen.

• UDABERRI 97 "Debekua gaindituz, ekin prebentzioari" leloarekin eta zortzigarren "Bizirik Eguna" Arrasaten (1997ko maiatza).

• Auzoetan eta herrietan sentsibilizazio programa, droga-mendekotasunen fenomenoaren erabilera salatu, berau kontrol sozialeko formulak aurrera eramateko baliabidea baita.

• Euskal Herriko Askagintzaren V. Batzarra Etxarri-Aranatzen (1997ko iraila).

• Euskal Herriko Askagintzaren Oinarrizko Dokumentuaren zirriborroa eztabaidatzen da eta Dokumentu berria eratzen da. Euskal herrian hamar urtetan zehar lan egin ondoren, kolektiboaren helburuak, egitekoak, jarduerak eta antolamendua zehazten dira.

• ADOREren salaketa programa "narkotrafikoaren eta pasibotasun judizialaren aurka" (1998ko martxoa).

• Donostiako Epaitegian Galindoren aurka jarritako kereila eta 491/91 dilijentziak zein egoeratan dagoen ikusirik, sentsibilizazio, salaketa eta mobilizazio programa martxan jartzen da. Horretarako eztabaidak, euskarriak, txosten bat eta Donostian martxoaren 14an manifestazioa antolatzen da.

• Askagintzaren XVI. Topaketak Elgoibarren (1998ko martxoa).

• Askagintzako kideentzat autoprestakuntza prozesu bat aurrera eraman ahal izateko, IZADIAk garatzen dituen prebentzio programen eztabaida eta aurkezpena. Prebentzio esku hartzearen kalitatean eta partehartzean hobekuntza eman ahal izateko, proposamen zehatzak egiten dira.

• "Askagintzarekin topaketak: Droga-mendekotasunei buruzko 10 urteko herri ekimena" (1998ko apirila-maiatza-ekaina).

• Askagintzarekin Topaketak antolatzea. "Askatasuna lantzen" bideoa eskaini, Askagintzaren hamar urteei buruzko eztabaidak, Oriol Martí-ren “Todo lo que quisiste saber sobre la dependencia a las drogas y nunca te atreviste a preguntar” liburuaren salmenta, diptikoak eta batez ere, Askagintzara beste pertsona batzuk ekartzea.

• UDABERRI 98 "Askatasuna lantzen" leloarekin eta bederatzigarren "Bizirik Eguna" Etxarri-Aranatzen (1998ko maiatza).

• Auzoetan eta herrietan sentsibilizazio programa. 30 ekitaldi antolatu ziren, Takolo, Pirritx eta Porrotx pailasoekin, 7 Eskale musika taldearekin eta "Oihulari Klown" antzerki taldearekin. BIZIRIK aldizkaria argitaratzea: Askagintzaren historiaren 10 urteen laburpena eta Oinarrizko Dokumentu berriaren argitalpena.