NAHASKETAK
 
 
SARRERA
  • Aldi berean substantzia bat baino gehiago hartzeak, aurretik jakin ezinak diren eraginak sortzen dituzte.
  • Gau berean substantzia ezberdinak nahastea ohikoa bihurtzen ari da.
  • Osasun istripu gehienak produktuen nahasketekin erlazioa dute, batez ere alkoholarekin. Alkohola egun nahasketa guztietan agertzen den droga nagusia izan arren (dena bustitzeko erabiltzen da), konbinazio txarra izaten du substantzia gehienekin.
  • Substantzia ezberdinen nahasketak droga batzuen efektuak areagotu, beste batzuk indargabetu, ahuldu edota deuseztatu egiten ditu. Nahasketaren ondorioz lortzen diren efektuak, askotan, aldez aurretik ezin dira ezagutu.
  • Droga ezberdinen nahasketa egiten denean, substantzia baten efektuak antzematea zaila izaten da, horregatik zaila izaten da jakitea hartutako substantziak efektuak egin duen edo ez. Efektuak gehiegi ez antzematean, dosi gehiago hartzen jarraitzen dute askok eta askok.
 
 
ZERGATIK NAHASTEN DUTE ASKOK?

1. Askok oinarrizko kontsumoa arrazoi kulturalak direla medio egiten dute (alkohola, cannabisa....), beste askok berriz arrazoi terapeutikoengatik (tratamendu psikiatrikoa, mantentzeko tratamendua...) edo beste batzuk berriz substantziekiko mendekotasuna dutelako (heroina, kokaina...) . Arrazoi bategatik edo besteagatik festa garaian oinarrizko kontsumo horiei efektu ezberdin batzuk lortzeko asmotan beste substantzia bat gehitzen diote, “trance” egoera, enpatia, energia, gauari eustea...bezalako efektuak lortzeko esate baterako. Horretarako erabiltzen diren substantziak estasia, LSDa edo speeda izan daitezke.

2. Konbinazio horiek askotan efektu zehatz bat lortzeko egiten dira:

a. Produktu baten efektu nagusia handitzeko.
b. Nahasketaren ondorioz efektu berri bat esperimentatzeko.
c. Produktu baten efektu negatiboak ahuldu edo indargabetzeko.
d. Bere buruan “beherakada” edo “bajoi” atsegina sortzeko.

3. Eskura duen guztia hartzen duen jendea ere badago. Agian lehentasunik edo gustu jakinik ez dutelako, edota beren mugak zeintzuk diren bila dabiltzalako edo beren burua moderatzeko edo gobernatzeko gai ez direlako.

4. Ondoan kide esku zabalak dituztelako drogen nahasketak egiteko aukera dutenak ere badaude. Beste batzuk berriz ezetz esateko gai ez direlako hartzen dute eskura duten guztia.

Horiek guztiak nahasketak egiteko arrazoi batzuk izan daitezke. Nahasketak egiten dituzten askok irizpide batzuk jarraitzen dituzte, baina gehiago dira nahasketak inongo kontrolik gabe egiten dituzten pertsonak.
NAHASKETA MOTAK
Nahasketa guztien berri ematea eta hauek sortu ditzaketen ondorioak azaltzea ezinezkoa litzateke. Alde batetik luzeegia izango litzakeelako eta bestetik nahasketa gehienen arriskuak oraindik orain ezagutzen ez direlako.

INONGO ZALANTZARIK GABE esan daiteke substantzia ezberdinen nahasketa baino ziurragoa dela substantzia bakarra hartzea, osasun istripu gehienak nahasketen ondorioz sortzen baitira.
 

MDMA + ...

MDMA + ALKOHOLA
Bi substantzia horiek negatiboki indartzen dira, bai efektu fisiologikoetan, baita psikologikoetan ere. MDMA alkoholarekin nahastea atsegina izan daitekeen esperientzia bat okertu eta efektu sekundarioen agerpena areagotu dezake, hala nola, deshidratazioa, gorakoak, hipertermia, gibelerako arriskuak eta batez ere erraz kontrola galtzeko arriskua. Azken ikerketen arabera MDMA eta alkoharen konbinazioak elkarren artean indartu egiten dute sistema inmunitarioaren depresiorako joera, honen ondorioz infekzio gaixotasuak hartzeko arriskua handitzen delarik (adibidez gripeak).


MDMA + CANNABISA
Konbinazio honek efektu negatiboak indartzen ditu, besteak beste, memorian (batez ere epe motzeko memorian), ikasteko trebetasunean, hitz jarioan eta prozesatzeko eta hitzezko trebetasunean. MDMAaren efektuak oso baxu ez badaude, substantziaren efektuaren gorakada sortu dezake.


MDMA + LSD + CANNABISA
MDMA + LSD + cannabis efektuen batuketak nahi dena baino gorakada handiagoa eragin dezake eta “bidai txarraren” efektuak azaldu daitezke.


MDMA + EPILEPSIAREN AURKAKO BOTIKAK
Konbultsioak izateko arriskua dago.

MDMA + POPPERS/HODI-ZABALTZAILEAK
Bihotz kolapsoa izateko arriskua.

MDMA + KOKAINA
Kokainak MDMAren efektuak mozten dituenez, askotan MDMA gehiago kontsumitzera jotzen dute kontsumitzaile askok eta...

MDMA + ANFETAMINAK
Speedak MDMAren “sentsibilitatea eta pertzeptiboa egoteko joera” jaitsi egiten du eta serotonina eta dopamina gehiegi askatzearen ondorioz arrisku neurologikoak izateko arriskua handitzen du. (gazteek dioten bezala “neuronak hiltzen” ditu). Beherakadaren efektu negatiboak indartu daitezke. Gainera estasi beraren efektuak galtzea gerta daiteke.
 

CANNABISA + ...

CANNABISA + ALKOHOLA
Efektuak eta depresioa eragiteko joera indartzen direnez, erraza da bigarren mailako efektuak azaltzea (adibidez presioaren beherakada eta desorientazioa). Zurbiltasuna, zorabioa, indarraren galera eta izardi hotza azaltzen badira erretzeari eta edateari uztea komeni da. Era berean toki lasai eta fresko batera joan eta azukredun edari bat hartzea egokia litzateke.


CANNABISA + TABAKOA
Ezaguna da nikotina mendekotasun psikologikoa sortzeko gaitasun handieneko substantzia dela, baita osasunarengan sortu ditzakeen kalteak ere: bronkitis sakona, minbizia, gastritisa, duodenoko ultzera, zelulitisa, hidrataziorik gabeko azala, kiratsa, gaixotasun zerebrobaskularrak eta hodi-kostriktoreak diren substantziak dituenez bihotzekoa errazten du. Hau guztia dela eta porroak erretzerako garaian arrisku hauek ere badaudela ezin dugu ahaztu. Gainera, edozein substantzien konbustioagatik ematen den kontsumoak tabakoari egotzitako arrisku berberak lituzke. Marihuana hodi-dilatatzailea da, beraz erreta soilik bihotzekoaren arriskua ekiditen da.

CANNABISA + LSD
Cannabisak LSDaren efektuen gorakada sortu dezake.

CANNABISA + BIZIGARRIAK (estasia, kokaina, speeda, efedrina...)
Cannabisak substantzia horien efektu bizigarriak deuseztatu edota indargatutu egiten dituenez, bizigarri kantitate gehiago kontsumitzeko joera egon daiteke.

CANNABISA + DEPRESIOAREN AURKAKO BOTIKAK
Cannabisa depresioaren botikekin nahasiz, baretasuna eta erlaxazio sentsazioa gehitzen du eta estutasuna eta nahastea sor ditzake.
 

ALKOHOLA + ...

ALKOHOLA + ALKOHOLA

Alkoholaren efektuak edaten duzun alkoholak duen graduazioaren baitan aurkitzen da (ez da likido kantitatearekin parekatu behar). Kubata katxi batek garagardoarenak baino efektu sakonagoak eragiten ditu, tekila edalontzi batek ardoarenak baino gehiago...Burbuilak dituzten edariak alkohola lehenago igotzea eragiten dute.

Edariak nahasten badituzu hurrengo eguneko ajea okerragoa izango da. Denbora gutxian eta diru gutixrekin mozkortzeak, alkoholaren alderik negatiboena bizi araziko dizu
  
 

KOKAINA + ...

KOKAINA + ALKOHOLA
Nerbio Sistemarengan kontrako efektuak sortzen dituzten bi substantzia dira. Kokainaren eta alkoholaren eraginak aurkakoak dira, eta biak tartekatzeak, bata edo bestea kontsumitzeko desioa handi dezake, ez zara ohartzen eta fisikoki eragiten dizu.

Horrela, alkoholak kokainak sortzen dituen zurruntasunaren eta tentsioaren efektuak gutxitzen dituen bitartean, kokainak alkoholak sortzen duen mozkorraldi efektuak gutxitzen edota arintzen ditu. Bi substantzia horien kontsumoa sorgin-gurpil edota bukatzen ez den soka baten itsura har dezake, biak kontsumituz, bataren eta bestearen efektu negatiboak ekiditeko asmoz. Honek poltsikoan sortutako zuloaz gain, osasun kalteak ere sor ditzake. Konturatu gabe toxikapen zorrotza edo koma etilikoa jasateko arriskua dago. Gainera ezin dugu ahaztu zenbat eta alkohol gehiago hartu, orduan eta biharamuna edo ajea okerragoa izaten dela.

Alkohola eta kokainaren arteko konbinazioa gibelarekin kontaktuan jartzean, hirugarren substantzia baten agerpena eragiten du, hau da, kokaetanola. Kokaetanolak toxikotasuna eta efektuen iraupena areagotzen du (kokainaren efektuak gehitzen dira), baita depresio nahasteak edo bat-bateko heriotzaren arriskua handitu ere.

Beherakadaren efektuak kentzeko botikak hartzea. Kokainaren “beheraldiak”, ondoratua eta lur jota uzten du. Honen ondorioz, aldarte maila mantentzeko berriz kontsumitzeko joera sortzen da. Egoera hau, zenbat eta denbora gehiagoan mantendu, orduan eta okerragoa izango da. Beste drogaren bat erabili behar baduzu, osasun-langileekin kontsulta ezazu.

 

SPEEDA + ...

SPEEDa + ALKOHOLA
Arazoak tenperaturaren erregulazioarekin eta likidoen galerarekin erlazionatuta daude (hidratazio falta areagotu eta hipertermia edo bero kolpea eragiten ditu), hau dela eta bentilazioa edo haizatzea eta ura edatea gomendatzeak garrantzi berezia dauka. Alkoholak anfetaminaren metabolismoa eraldatzen du odoleko plasman bere kontzentrazioa handituz, eta honen ondorioz substantziaren degradazioa galarazten da. Hau da, bere efektuak luzatzen dira, baina eragitea gutxitzen da eta ez da mozkorraldia sumatzen. Speedaren kontsumoaren pean, bi substantzien kontsumoa izugarri handituko da.

SPEEDa + TABAKOA
Speedak sortzen duen antsietatearen ondorioz tabako kantitate izugarriak kontsumitzera iristen da kontsumitzailea, honen toxikapena handituz eta biharamuneko ajea edo erresaka okerragoa izango da.

SPEEDa + DEPRESIOAREN AURKAKO BOTIKAK & PILULA ANTISORGAILUAK
Ez kontsumitu speeda depresioaren aurkako botikak edo pilula antisorgailuak hartzen ari bazara. Nahaste horrek, heriotza eragin dezake, odolaren presioa handituz, bihotz-arazoak sor baititzake.

 

KETAMINA + ...

KETAMINA + MDMA edo KOKAINA.
Ketaminak flotazio egoera eta motrizitatearen kontrolaren galera eragiten ditu eta efektu hauek bizigarrien mugitzeko gaitasunarekin nahasten direnean istripuak izateko aukerak handitu egiten dira.


KETAMINA + ALKOHOLA eta depresio eragileak diren beste substantzia batzuk.
Ketamina depresio eragileekin (alkohola, barbiturikoak, bentzodiazepinak, opiazeoak edo GHB) nahastea arriskutsuegia izan daiteke, konortea galtzeko, arnas depresioa izateko edo bihotza gelditzeko aukera edo posibilitatea handitu egiten duelako. Ketamina alkoholarekin nahasteak ere botaka egiteko gogoa handitzen duenez, errekuperatzeko denbora luzatu egiten du. Alkoholak ugaldu egiten ditu ketaren ondorio depresoreak, hau da, ketaminak arnasketa eta bihotza geldotzen ditu eta alkoholak ere bai. Kontu handiz ibili gero! Ez ahaztu arnasa egin behar duzula derrigor.

KETAMINA + ESTIMULANTEAK
(estasia, kokaina, speed, efredina).
Ketamina bizigarriekin (speed, anfetaminak, kokaina, estasia....) nahasteak kontrako efektuak areagotu (gorakoak, deshidratazioa, gorakoa....) egiten ditu eta berez ketaminarenak diren anestesia eta disoziazio efektuak gutxitu egiten ditu. Esan daiteke elkarren artean efektuak indargabetu egiten direla eta honek gehiegi kontsumitzera eraman dezakeela, gorputza behar baino gehiago kontsumitzera behartuz. Speedak, kokak eta pizgarriek, oro har, ketaren kontrako efektuak eragiten dituzte. Beraz, nahastuz gero, bonba moduko bat sortuko duzu eta burmuina ere nahastuko zaizu.

KETAMINA + LSD.
Psikodelikoen nahasketa ez da beharrezkoa, gainera esperientzia biziegia izatera eraman dezake. Nahasketa honek “bidaiaren” indarra areagotu edo gutxitu egin dezake, azken batean, lortu daitezkeen efektuak aldez aurretik jakitea ezinezkoa bihurtuz.

KETAMINA + CANNABISA.
Ketamina Cannabis deribatuekin (haxixa eta marihuana) nahasteak goragaleak eta gorakoak gutxitu ditzake eta inkontzientzia eta gorputzaren gogortzea areagotu dezake. Cannabisaren kontsumoa ketaminaren ohiko kontsumitzaileetan flashbacks okurrentziekin erlazionatu izan da.

 

 

LSD + ...

LSD + MDMA

MDMA+LSDaren konbinazioak efektuak indartu ditzake, gorakada desiraturikoa baino gogorragoa eta bidai txarraren efektua eraginez. Tripien kontsumoa kontrolik gabe ordu batzuk pasatzearen ideiarekin erlazionatzen da batik bat, eta ez “martxa” izatearekin edo festa jarraitzeko ideiarekin. Pilula kontsumitzaile askok tripiak deskantsatzeko hartzen dituztela esaten dute. Egoera honetan droga hau erabiltzen dutela ulertzea zaila egiten da. Lehenik eta behin gutxietan izango baita LSDa eskaintzen dietena. Bigarrenik, LSDa baldin bada bere potentziala hain handia izanda dosia klabea delako. Azkenik, introspekziorako kultura eta ohiturarik gabe (testuinguru desegokietan), istripu psikiko bat izateko, “kolgatua” geratzeko arriskua oso handia izan daitekeelako.

LSDa ez da beste droga batzuekin nahastu behar. ¡Azidoa bere baitan nahiko gogorra da!
 

DEPRESIOAREN KONTRAKOAK + ...

DEPRESIOAREN KONTRAKOAK + MDMA

IMAOekin (Mono Amida Oxidasaren inhibitzailea) eta orokorrean depresioaren kontrakoak nahastea nahasketa arriskutsuenak dira, hipertentsio krisiak eragin ditzaketelarik.

ONDOKOAREKIN KONTU HANDIA IZAN: PROZAC a bezalako depresioaren kontrako substantzia batek (ez IMAOak) estasia kontsumitu eta handik 6 ordutara serotonina maila bere egoera normalera bueltatzen duela esaten da. Serotonina maila artifizialki handitzea oso arriskutsua izan daiteke. Normalean serotonina zehaztasun handiarekin maila berean mantentzen da, eta hau egoera animikoa, gorputzeko tenperatura eta “bero kolpeak” kontrolatzeko funtsezkoa da.

DEPRESIOAREN KONTRAKOAK + ALKOHOLA

Alkohola beste lasaigarri batzuekin nahasten denean gaindosia sortzen da. Bi efektuen nahasketak irrazional eta bortitz bihur zaitzake.

 

GHB + ...

GBH + ALKOHOLA
GHB anestesikoaren depresio efektuak alkoholarekin indartu egiten direnez, arriskuak areagotu egiten dira: konortearen galera, zorabioa, logure bizia...koma egoera eragin dezakete. GHBarekin gehiago gutxiago maxima ematen da, hau da, zenbat eta gehiago hartu orduan eta efektu gutxiago sortzen dira. Koma egoera gehienetan alkohola GHBrekin kontsumitu izan da.

EZ DA INOIZ GHBa ALKOHOLA EDO BESTE DROGA BATZUEKIN NAHASTU BEHAR.
 
 
 
 
Copyright © Askagintza